Diego Moreira Villanueva é natural de Arteixo (A Coruña), onde aos 9 anos de idade empezou a cursar os seus estudos de guitarra clásica recibindo clases do mestre Juan Prieto. Aos 13 realizou a proba de acceso a Grao Medio e entrou no Conservatorio Oficial do Colexio Obradoiro Da Coruña. Tras rematar os seus estudos de Bacharelato, decide marchar a Santiago de Compostela a estudar Maxisterio Musical, compaxinando o primeiro curso de carreira co último curso de Conservatorio. Tamén recibiu clases de jazz e música moderna do coñecido contrabaixista Juan Acuña.

Diego compaxina os seus estudos coa docencia e co seu traballo como músico profesional. Dende 2007 é profesor de guitarra clásica na Escola de música da Asociación Xuvenil Xiradela e imparte clases particulares a alumnos de diversas idades. Como guitarrista traballou en formacións como a coñecida Orquestra Mallo da Coruña ou o grupo de rock arteixán Os Revenidos.

Na actualidade, estuda Grao en Educación Primaria na Universidade Da Coruña e é o actual profesor de guitarra de Escola de Música Berenguela.