"Cámara de jazz" nace en 1999 coa idea de achegar dous universos musicais tan afíns e, na práctica, tan lonxanos, como son a música clásica e o jazz. O seu repertorio inclúe obras compostas por autores destas dúas vertentes musicais que tentaron construir pontes buscando lugares comúns entre os devanditos xéneros musicais.

Os seus integrantes desenvolven a súa actividade artística en formacións destacadas en ámbolos dous estilos, como son aReal Filharmonía de Galicia ou Clunia jazz.

A súa presentación en público tivo lugar en 1999 no ciclo de Abertos de Cámara do Auditorio de Galicia, en Santiago de Compostela.