Luis Soto- Frauta e Frautín

Nace en Guláns, Ponteareas, en onde escomenza os seus estudios no seo da banda de música " A Unión de Gulans", proseguíndoos máis tarde en Madrid, París e Stuttgart, cidades nas que gañou diversos premios e concursos.

En Madrid recibe clases do solista da Orquestra Nacional de España, Antonio Arias.
En Paris estudiou no Conservatoire Superieur de Paris (CNR) Con Madeleine Chassang, no Conservatoire de Marne-la Vallee con Hubert de Villele, e especializouse no Frautín co solista da Orquestra da Ópera de Paris e profesor do CNSM Pierre Dumail.
Nesta cidade gaña o primeiro premio do concurso Pierre Nerini e o Segundo premio no Lucien Wumser, ademáis de pertencer o cuarteto Catre et demi.
No Conservatoire de Marne-la Vallee gaña os primeiros premios de Frauta Travesa e Música de Cámara e no Conservatorio Superior de Paris o Segundo en Frauta e Repentización.

En Sttutgart foi alumno da Musikhochschule für Musik und Darstellende Kunst na Clase do prestixioso mestre Jean-Claude Gerard.
O longo dos dous anos que viviu nesta cidade traballou en diversos grupos de cámara e diferentes orquestras xunto a membros da Berliner Philharmoniker, Münchner Philamoniker,Bach Collegium…

 Ao longo da sua carreira Luis Soto ten dado centos de concertos con moi diversas agrupacións en Europa e en América.
Realizou múltiples gravacións para a radio, televisión e CD, destacando a gravación da integral de Joaquín Rodrigo co guitarrista Carles Trepat para o selo EMI Clasic.

Colaborou co grupo de teatro Matarile na obra escrita e dirixida por Ana Valles “Historia Natural” que o levou a actuar en teatros e festivais de toda xeografía española, Francia e Portugal.
Na actualidade ocupa o posto de Frauta-Frautín na Real Filharmonía de Galicia en onde tocou baixo as batutas de decenas de directores de gran prestixio asi como con solistas de renome internacional.

Consciente da importancia do ensino musical no noso pais, Luis Soto está a piques de rematar a carreira de Ciencias da Educación Musical na Universidade de Santiago de Compostela.

 

• Podes escoitalo en: