Escomenza os estudios de trompeta aos 10 anos de idade no seo da Unión Musical de Traiguera e a Sociedade Musical a Alianza de Vinaròs (Castellón) con Javier Simó e José Ibañez. Continúaos no Conservatorio Profesional de Música de Castellón e no Conservatorio Superior de Música de Valencia con D. Leopoldo Vidal, onde obtén o título de profesor superior de trompeta coas máis altas cualificacións así como o Premio de Honra Final de Carreira.
Posteriormente continúa os seus estudos na Malmö School Academy of Music (Suecia) con Bo Nilsson e Hakan Hardenberger.
Asistiu a varios cursos de perfeccionamento con profesores como Pierre Thibaud, Luis González, Michael Sachs, Tom Stevens, Tamás Valenczei, Gabor Tarkoevi, Max Sommerhalder, entre outros.
No ano 1999 e 2000 obtén o Primeiro Premio no II e III Concurso Nacional de Mozos Intérpretes “Villa d´Albuixech”(Valencia) e en 2004 obtén o terceiro premio no Concurso Internacional Yamaha celebrado en Madrid.
No campo profesional colaborou coa Orquestra Sinfónica de Madrid, Orquestra Cidade de Granada, Orquestra Sinfónica do Principado de Asturias e Orquestra Sinfónica Europea. Como docente colabora coa Escola de Altos Estudos Musicais de Galicia e foi profesor titular de trompeta no Conservatorio de Lalín (Pontevedra) durante os cursos 2007 - 2009.
Desde xaneiro de 2001 ocupa a praza de trompeta co-principal no Real Filharmonía de Galicia.