Natural de Madrid, comeza os seus estudos de violonchelo coa profesora María Casado aos 7 anos. Estuda o grao profesional co profesor Jorge Pozas Tarapiella e o grao superior con Ángel García Jermann no Real Conservatorio Superior de Música de Madrid. Debido ao seu interese pola música de cámara, no seu derradeiro ano de carreira forma, xunto aos seus compañeiros, o Trío Colman que debuta no Festival Música Sur de Motril.
Realiza o Mestrado en Música de Cámara no Conservatorio Superior de Música de Aragón co profesor Fernando Arias e o Cuarteto Quiroga, e o Curso de Alta Especialización Orquestral da Escola de Altos Estudos Musicais de Santiago de Compostela coa Real Filharmonía de Galicia e o profesor Plamen Velev.
Ademais dos profesores titulares, recibe clases de violonchelistas como Christophe Coin, Amit Peled, Johannes Krebs, María de Macedo, Troels Svane, Suzana Stefanovic e Sung-Won Yang, entre outros.
Compaxina os seus estudos coa participación en diferentes orquestras xoves como Xoven Orquestra da Comunidade de Madrid e Xoven Orquestra de Canarias. Ademais, realiza colaboracións coa Orquestra e Coro da Comunidade de Madrid e participa no proxecto “Side by side” coa Concertgebouw Orchestra.
Desde a súa chegada a Galicia, colabora coa Real Filharmonía de Galicia, coa Orquestra de Cámara Galega, a Sinfónica de Pontevedra e a Orquestra Vigo 430.
Conta con ampla experiencia como docente en diferentes escolas e centros educativos.