Bernardino Assunçao Sales
Cursa os seus estudos superiores no Conservatorio Superior de Música Salvador Seguí de Castellón. Posteriormente, está a continuar có Máster de Interpretación e investigación, realizando un programa de Erasmus Mundus na University of British Columbia (Vancouver, Canadá) a través do Conservatorio Superior de Música Oscar Esplá de Alacante. Para completar a súa formación, realiza o Posgrao orquestal na Escola de Altos Estudos Musicais, en Santiago de Compostela.
Sendo finalista en diversos concursos de música de cámara e individuais, cómpre destacar o galardón na primeira edición do concurso de novos talentos Clásicos y Reverentes da 2 de RTVE en 2018 e, no 2020, ganou o UBC Concerto Competition en Canadá. Así mesmo, realizou numerosos recitais, concertos de música de cámara e gravacións con diversas agrupacións como Ebenholz Trío, dúo Assunçao-Campayo, Fors Quintet ou Moonwinds Ensemble. Como solista, conta cunha ampla experiencia tanto no territorio nacional como internacional, con orquestas como UBC Symphony Orchestra, a Filarmónica da Universidade de Valencia, Joven Sinfónica de Castellón, Filharmonía de Galicia, entre outras, interpretando obras tanto do repertorio tradicional como contemporáneo.
Conta cunha ampla experiencia na docencia en diversas escolas de música do territorio valenciano desde 2014 e colaborou con agrupacións profesionais como a Banda Municipal de Castellón, Orquesta de Valencia, a Orquesta de Córdoba, a Orquesta de Radio Televisión Española, Vancouver Metropolitan Orchestra, Orquesta del Reino de Aragón, Real Filharmonía de Santiago de Compostela e a Orquesta de les Arts (Orquesta de la Comunitat Valenciana).